रामनाम आहे विश्वाची धून

    रामनाम आहे विश्वाची धून

रामाचा गजर श्वासाश्वासातून

रामाचा वावर रोमारोमातून

रामनाम आहे विश्वाची धून

श्रीराम जयराम जयजयराम

राम पाहतो कृपादृष्टीने    

तोच ऐकतो माझे गा-हाणे

राम बोलतो मंजुळ बोली

त्याचे हसणे जणू चांदणे

राम प्रकाशे चंद्रसूर्यातून

तोच तेवतो ज्योतीज्योतीतून

रामनाम आहे विश्वाची धून

रामावाचुन काही न सुचते

रामावाचुन काही न रुचते

कल्पतरू सारखा राम हा

इच्छा करता ते ते मिळते

राम उमलतो ह्रदयातून

राम बिलगतो मूल होउन

रामनाम आहे विश्वाची धून

डॅा.प्रमोद बेजकर